Argentinalik vinger Matias Soule yaqin kunlarda klubini o‘zgartirishi mumkin. Bu haqda insayder Nikolo Skira xabar berdi.

23 yoshli futbolchi endi «Roma» bosh murabbiyi Jan Pyero Gasperini rejalarida asosiy figura hisoblanmaydi.

Manba ma’lumotiga ko‘ra, Soulening nomzodi vositachi orqali yana «Milan»ga taklif qilingan. «Rossonerilar» ayni paytda shunga o‘xshash profildagi futbolchini o‘z safiga qo‘shib olish ustida ishlamoqda va argentinalik variantni ham ko‘rib chiqishi mumkin.

Shu bilan birga, muzokaralarni boshlash uchun Ruben Amorimning qarori kerak. Agar murabbiy rozilik bersa, «Milan» Soulening ehtimoliy transferi bo‘yicha «Roma» bilan muzokaralarni boshlashi mumkin.

Soule 2024 yilda «Yuventus»dan «Roma»ga o‘tgan. Argentinalik futbolchi bundan avval «Frozinone» safida ijara asosida ham to‘p tepgan.

O‘tgan mavsumda vinger 42 ta uchrashuvda maydonga tushib, 7 ta gol urdi va 7 ta golli uzatmani amalga oshirdi.