Аргентиналик вингер Матиас Соуле яқин кунларда клубини ўзгартириши мумкин. Бу ҳақда инсайдер Николо Скира хабар берди.

23 ёшли футболчи энди «Рома» бош мураббийи Жан Пьеро Гасперини режаларида асосий фигура ҳисобланмайди.

Манба маълумотига кўра, Соуленинг номзоди воситачи орқали яна «Милан»га таклиф қилинган. «Россонерилар» айни пайтда шунга ўхшаш профилдаги футболчини ўз сафига қўшиб олиш устида ишламоқда ва аргентиналик вариантни ҳам кўриб чиқиши мумкин.

Шу билан бирга, музокараларни бошлаш учун Рубен Аморимнинг қарори керак. Агар мураббий розилик берса, «Милан» Соуленинг эҳтимолий трансфери бўйича «Рома» билан музокараларни бошлаши мумкин.

Соуле 2024 йилда «Ювентус»дан «Рома»га ўтган. Аргентиналик футболчи бундан аввал «Фрозиноне» сафида ижара асосида ҳам тўп тепган.

Ўтган мавсумда вингер 42 та учрашувда майдонга тушиб, 7 та гол урди ва 7 та голли узатмани амалга оширди.