"Manchester Siti" yozgi transfer oynasida yarim himoyachi Elliot Andersonni o‘z safiga qo‘shib oldi. Matbuot ma’lumotlariga ko‘ra, "shaharliklar" futbolchining transferi uchun 135 mln yevro to‘lagan.

Angliya Premyer-ligasi 1-turida "Bornmut" ustidan qozonilgan 2:1 hisobidagi irodali g‘alabadan keyin "Manchester Siti" bosh murabbiyi Enso Mareska Andersonning harakatlariga baho berdi.

"U juda yaxshi o‘ynadi! Menimcha, Elliot to‘p bilan ham, to‘psiz ham yaxshi harakat qildi. Uning o‘yini tobora yaxshilanib borishiga ishonaman.

U uchun hozirgi davr xuddi mavsumoldi tayyorgarligiga o‘xshaydi, chunki jamoaga bor-yo‘g‘i 10 kun oldin qo‘shildi. Menimcha, kelajakda u klubimizga juda katta foyda keltiradi", — dedi Mareska.

Eslatib o‘tamiz, Anderson ikkinchi bo‘lim davomida almashtirildi. Maydonni tark etishidan biroz oldin yarim himoyachi og‘riq his qilayotgani ko‘ringandi.