«Manchester Yunayted» yarim himoyachisi Brunu Fernandesh faoliyatini boshqa klubda davom ettirishi mumkin. Futbolchi klub bilan yangi shartnoma shartlari borasida murakkab muzokaralar olib bormoqda.

Ma’lumotlarga ko‘ra, portugaliyalik xavbek «qizil iblislar» taqdim etgan maosh miqdoridan norozi bo‘lib, taklifni rad etgan.

Ushbu vaziyatdan foydalanib qator yetakchi klublar futbolchining harakatlarini kuzatib bormoqda. Hozirda «Atletiko», «Galatasaroy», «Yuventus» va «Milan» klublari Brunu Fernandeshning transferiga jiddiy qiziqish bildirmoqda.