Myunxenning «Bavariya» klubi hujumchisi Xarri Keyn jamoa va muxlislarning qo‘llab-quvvatlashi hamda o‘z oldiga qo‘ygan maqsadlari haqida gapirdi. U myunxenliklar unga «Oltin to‘p» uchun da’vogarlik qilishda yaqindan yordam berayotganini tan oldi va ishonch hamda iliq munosabat uchun jamoadoshlariga minnatdorchilik bildirdi.

«Men klub tarafidan mehr his qilaman, meni qanchalik qadrlashlarini bilaman. Faqatgina gollar uchun emas — menimcha, ular mening umumiy o‘yinimni, shuningdek, kiyinish xonasidagi insoniy fazilatlarimni, qo‘shgan hissamni qadrlashadi. O‘zimni chindan ham imtiyozli his qilyapman. Muxlislarning munosabati ham — bu yillar davomida meni qanday qabul qilishgani juda o‘ziga xos bo‘ldi. Mening maqsadim ularga gollar va sovrinlar bilan javob qaytarishdir», — dedi Keyn Bayern & Germany nashriga bergan intervyusida.

Ma’lumot uchun, 33 yoshli forvardning «Bavariya» bilan amaldagi shartnomasi 2027 yilning iyuniga qadar mo‘ljallangan. Matbuotda tarqalgan xabarlarga ko‘ra, klub rahbariyati ingliz hujumchisi bilan bitimni 2029 yoki 2030 yilga qadar uzaytirishni rejalashtirmoqda.