«Arsenal» va «Al-Hilol» o‘rtasida Gabriel Martinellining transferi bo‘yicha muzokaralar yakuniy bosqichga yetdi, deb yozadi insayder Fabrisio Romano.

Avvalroq «kanonirlar» vinger uchun 60 million yevro atrofida mablag‘ olishni istayotgani, futboltning o‘zi esa Saudiya klubiga o‘tishga tayyorligi xabar qilingandi.

Hozirda tomonlar 50-55 million funt miqdoridagi summa yuzasidan kelishuvni muhokama qilmoqda. London klubi ushbu taklifni qabul qilib, Martinellini sotishga tayyor.

O‘yinchining shaxsiy shartlari bo‘yicha muzokaralar davom etmoqda, tez orada braziliyalik futbolchi yakuniy qarorga keladi.

O‘tgan mavsumda Martinelli klub safidagi 53 ta o‘yinda 10 ta gol va 7 ta golli uzatmani o‘z hisobiga yozdirib qo‘ydi. JCH-2026 da esa u 4 ta o‘yinda 1 ta gol urdi.