"Manchester Siti" "Palmeyras" vingeri Allan transferiga juda yaqin turibdi. "Shaharliklar" futbolchi bilan 2031 yilgacha mo‘ljallangan besh yillik shartnoma imzolanishiga va kelishuv muvaffaqiyatli yakunlanishiga ishonch bildirmoqda.

Avvalroq 22 yoshli braziliyalik futbolchi "Tottenhem"ga o‘tishga yaqin turgan Savinyoga o‘rinbosar variantlaridan biri ekani xabar qilingan edi. Shu bilan birga, "Palmeyras" Allandan osongina voz kechishni istamagan va uning klub bilan shartnomasida 100 million yevro miqdoridagi tovon puli (klausula) ko‘rsatilgan.

Joriy mavsumda Allan "Palmeyras" safida barcha turnirlarda 42 ta o‘yin o‘tkazdi. Vinger ularda 6 ta gol urdi va 6 ta golli uzatmani amalga oshirdi.