"Yuventus" vingeri Kenan Yildiz jarohati sababli uzoq muddatga safdan chiqishi mumkin.
21 yoshli futbolchi Italiya A Seriyasining 1-turida "Frozinone"ga qarshi o‘tkazilgan va turinliklarning 1:0 hisobidagi g‘alabasi bilan yakunlangan uchrashuvda oyog‘idan jarohat oldi.
Bugun Yildiz klubning J Medical tibbiy markazida tekshiruvdan o‘tdi. Tekshiruv natijalari "Yuventus" vakillarida jiddiy xavotir uyg‘otgan.
La Gazzetta dello Sport ma’lumotiga ko‘ra, turkiyalik futbolchi taxminan ikki oy maydonga tusha olmasligi mumkin. Ayni paytda jarohatni davolash uchun jarrohlik amaliyoti o‘tkazish varianti ham istisno qilinmayapti.
Hozircha operasiya o‘tkazilishi bo‘yicha yakuniy qaror qabul qilinmagan.
