"Ювентус" вингери Кенан Йилдиз жароҳати сабабли узоқ муддатга сафдан чиқиши мумкин.
21 ёшли футболчи Италия А Сериясининг 1-турида "Фрозиноне"га қарши ўтказилган ва туринликларнинг 1:0 ҳисобидаги ғалабаси билан якунланган учрашувда оёғидан жароҳат олди.
Бугун Йилдиз клубнинг J Medical тиббий марказида текширувдан ўтди. Текширув натижалари "Ювентус" вакилларида жиддий хавотир уйғотган.
La Gazzetta dello Sport маълумотига кўра, туркиялик футболчи тахминан икки ой майдонга туша олмаслиги мумкин. Айни пайтда жароҳатни даволаш учун жарроҳлик амалиёти ўтказиш варианти ҳам истисно қилинмаяпти.
Ҳозирча операция ўтказилиши бўйича якуний қарор қабул қилинмаган.
