Dortmundning «Borussiya» klubi hujumchisi Seru Girassi bu yozda «Barselona»ga o‘tmaydi.

Kataloniya klubi hujum chizig‘ini yangi futbolchi bilan kuchaytirishni rejalashtirmoqda va 30 yoshli Girassi nomzodlardan biri edi. Biroq «Barselona» gvineyalik futbolchini transfer ro‘yxatidan chiqarib tashladi.

Bild ma’lumotiga ko‘ra, bunga hujumchining yuqori maoshi sabab bo‘lgan. Girassi «Borussiya»da yiliga taxminan 10 million yevro maosh oladi va «Barselona» rahbariyati bu miqdorni juda yuqori deb hisoblagan.

Girassi Dortmund klubi safida barcha musobaqalarda 97 ta uchrashuv o‘tkazib, 60 ta gol urgan va 15 ta golli uzatma bergan.

Transfermarkt portali hujumchining bozor qiymatini 32 million yevroga baholamoqda.