Tomas Myuller, Mats Xummels va Yann Zommer Portugaliyaning «Eshtrela Amadora» klubi hammulkdorlariga aylandi.

Ma’lumotlarga ko‘ra, nemis investorlar guruhi klubning professional futbolni boshqaruvchi kompaniyasi — SAD aksiyalarining 90 foizini 40 million yevroga sotib oldi. Myuller, Xummels va Zommer ham ushbu investorlar guruhi tarkibiga kirgan. Bu Portugaliya futbolida klubning nazorat paketini sotish bo‘yicha rekord kelishuv sifatida qayd etilmoqda.

«Eshtrela Amadora»ning eng katta yutuqlaridan biri 1990 yilga to‘g‘ri keladi — o‘shanda jamoa Portugaliya kubogini qo‘lga kiritgan. Klub 2023 yilda Portugaliya oliy divizioniga qaytgan va hozir Primeyra-ligada ketma-ket to‘rtinchi mavsumini o‘tkazmoqda.