Argentina terma jamoasi va Londonning «Chelsi» klubi yarim himoyachisi Enso Fernandes faoliyatini «Manchester Siti»da davom ettirishi mumkin.
Taniqli insayder Fabrisio Romanoning ma’lum qilishicha, yulduzli xavbek «shaharliklar» safiga qo‘shilishga rozilik bergan. «Manchester Siti» rahbariyati esa yarim himoyachini sotib olish bo‘yicha «aristokratlar»ga rasmiy taklif tayyorlamoqda.
Avvalroq matbuotda London klubi argentinalik futbolchining sotuvidan 140 million yevro ishlab olishni istayotgani xabar qilingan edi. O‘tgan mavsumda yarim himoyachi barcha turnirlarda 54 ta uchrashuvda maydonga tushib, 15 ta gol urgan va 7 ta golli uzatmaga mualliflik qilgan.
