Аргентина терма жамоаси ва Лондоннинг «Челси» клуби ярим ҳимоячиси Энцо Фернандес фаолиятини «Манчестер Сити»да давом эттириши мумкин.

Таниқли инсайдер Фабрицио Романонинг маълум қилишича, юлдузли хавбек «шаҳарликлар» сафига қўшилишга розилик берган. «Манчестер Сити» раҳбарияти эса ярим ҳимоячини сотиб олиш бўйича «аристократлар»га расмий таклиф тайёрламоқда.

Аввалроқ матбуотда Лондон клуби аргентиналик футболчининг сотувидан 140 миллион евро ишлаб олишни истаётгани хабар қилинган эди. Ўтган мавсумда ярим ҳимоячи барча турнирларда 54 та учрашувда майдонга тушиб, 15 та гол урган ва 7 та голли узатмага муаллифлик қилган.