Londonning "Arsenal" klubi hujumchi Xulian Alvaresning Madridning "Atletiko" klubidagi vaziyatini diqqat bilan kuzatib bormoqda. Bu haqda insayder Fabrisio Romano o‘z ijtimoiy tarmoqdagi sahifasida xabar berdi.
Manbaning ma’lumotlariga ko‘ra, "kanonirlar" agar zarurat tug‘ilsa, "Atletiko" bilan Alvaresning transfer summasi bo‘yicha kelishib ola olishlariga ishonmoqda. Biroq ingliz grandi faqatgina futbolchining o‘zi Londonga ko‘chib o‘tishni istasagina rasmiy taklif yuboradi.
Ta’kidlanishicha, Alvaresning pozisiyasi mumkin bo‘lgan bitimning asosiy omili hisoblanadi. Ayni paytda hujumchi faqat "Barselona"ga o‘tishni maqsad qilgan.
