Madridning «Real» klubi bosh murabbiyi lavozimini egallab turgan Joze Mourinyo yozgi transfer oynasining qolgan davri uchun jamoa rejalari haqida gapirdi.
«Men uchun tarkib shakllangan. Ammo transfer oynasi hali ham ochiq. Agar qaysidir o‘yinchi ketgisi kelsa… Bilmayman. Menda bor futbolchilardan juda mamnunman. Men hech kimning ketishini xohlamayman», — deya mutaxassisning so‘zlarini keltiradi Fabrisio Romano.
«Qirollik klubi» Ispaniya chempionatining yangi mavsumini g‘alaba bilan boshladi — poytaxt jamoasi safar uchrashuvida «Espanyol»ni 2:1 hisobida mag‘lub etdi. Endi «Real» La Liganing uchinchi turiga tayyorgarlik ko‘rmoqda, unda «qaymoqranglilar» «Real Sosyedad»ga qarshi bahs olib boradi.
Eslatib o‘tamiz, Ispaniyada transfer oynasi 1 sentyabr kuni yopiladi.
