Мадриднинг «Реал» клуби бош мураббийи лавозимини эгаллаб турган Жозе Моуриньо ёзги трансфер ойнасининг қолган даври учун жамоа режалари ҳақида гапирди.
«Мен учун таркиб шаклланган. Аммо трансфер ойнаси ҳали ҳам очиқ. Агар қайсидир ўйинчи кетгиси келса… Билмайман. Менда бор футболчилардан жуда мамнунман. Мен ҳеч кимнинг кетишини хоҳламайман», — дея мутахассиснинг сўзларини келтиради Фабрицио Романо.
«Қироллик клуби» Испания чемпионатининг янги мавсумини ғалаба билан бошлади — пойтахт жамоаси сафар учрашувида «Эспаньол»ни 2:1 ҳисобида мағлуб этди. Энди «Реал» Ла Лиганинг учинчи турига тайёргарлик кўрмоқда, унда «қаймоқранглилар» «Реал Сосьедад»га қарши баҳс олиб боради.
Эслатиб ўтамиз, Испанияда трансфер ойнаси 1 сентябрь куни ёпилади.
