Aleks Kruk ma’lumotiga ko‘ra, «Manchester Siti» markaziy himoyachisi Stiven Mfuni uchun «Uotford» varianti hamon ochiq turibdi. 18 yoshli futbolchiga «Derbi Kaunti» ham qiziqish bildirmoqda.

Mfuni «Koventri Siti»ga ijara asosida o‘tishi kutilgan edi, biroq ushbu transfer amalga oshmay qoldi. Shu tariqa, Chempionship klublari uchun futbolchini o‘z safiga qo‘shib olish imkoniyati yana paydo bo‘ldi.

Angliya U-19 terma jamoasi a’zosi o‘tgan mavsumning ikkinchi yarmini «Uotford»da ijara asosida o‘tkazdi. U yanvar oyida jamoaga qo‘shilib, 8 ta uchrashuvda maydonga tushgan.

«Uotford» sport direktori Lyuk Dauning avvalroq Mfunini yana bir bor ijaraga olish bo‘yicha muzokaralar olib borilayotganini tasdiqlagan edi.

«Derbi Kaunti» esa 18 yoshli himoyachini Dion Sanderson va Sondre Langasga raqobatchi, shuningdek, markaziy himoya chizig‘ida tarkib chuqurligini oshiradigan futbolchi sifatida ko‘rmoqda.

Klub joriy mavsumda pley-off yo‘llanmasi uchun kurashishni rejalashtirmoqda.