«PSJ» hujumchisi Usmon Dembele Fransiya chempionatining «Lill»ga qarshi navbatdagi uchrashuvida jamoasiga yordam bera olmaydi.

Parij klubi futbolchiga bir necha kunlik dam berishga qaror qildi. Bu qaror «PSJ» bosh murabbiyi va klub rahbariyati bilan kelishilgan.

Dembele yaqin kunlarda jamoa bilan birga mashg‘ulot o‘tkazmaydi va juma kuni «Lill»ga qarshi bo‘lib o‘tadigan bahsni o‘tkazib yuboradi. Fransiyalik futbolchining dushanba kuni umumiy guruhga qaytishi rejalashtirilgan.

Eslatib o‘tamiz, «PSJ» Liga 1ning dastlabki turida safarda «Renn» bilan 2:2 hisobida durang o‘ynagan. «Lill»ga qarshi uchrashuv 28 avgust kuni bo‘lib o‘tadi.