Sobiq italiyalik futbolchi Juzeppe Rossi «Manchester Yunayted»da birga to‘p surgan Krishtianu Ronaldu haqida iliq fikr bildirdi.
Rossi portugaliyalik futbolchining yoshiga qaramay, hali ko‘plab gollar urishiga ishonadi.
«Ronaldu ajoyib mentalitetga ega. Hech bir futbolchida u kabi maqsad sari intilishni ko‘rmaganman. U 1000 ta gol urishiga ishonaman. Bizga esa undan faqat o‘rganish qoladi.
U faoliyatini yakunlaganida, shubhasiz, dunyoning eng yaxshi futbolchilaridan biri sifatida esda qoladi. U — noyob futbolchi», — deya Rossining so‘zlarini keltiradi derbyderbyderby.it.
Ayni paytda Krishtianu Ronaldu Saudiya Arabistonida to‘p surmoqda.
