Собиқ италиялик футболчи Жузеппе Росси «Манчестер Юнайтед»да бирга тўп сурган Криштиану Роналду ҳақида илиқ фикр билдирди.

Росси португалиялик футболчининг ёшига қарамай, ҳали кўплаб голлар уришига ишонади.

«Роналду ажойиб менталитетга эга. Ҳеч бир футболчида у каби мақсад сари интилишни кўрмаганман. У 1000 та гол уришига ишонаман. Бизга эса ундан фақат ўрганиш қолади.

У фаолиятини якунлаганида, шубҳасиз, дунёнинг энг яхши футболчиларидан бири сифатида эсда қолади. У — ноёб футболчи», — дея Россининг сўзларини келтиради derbyderbyderby.it.

Айни пайтда Криштиану Роналду Саудия Арабистонида тўп сурмоқда.