Vinger Adama Traore kelajagi bo‘yicha qaror qabul qildi. 30 yoshli futbolchi faoliyatini Ispaniyada davom ettirishi kutilmoqda.
Insayder Fabrisio Romano ma’lumotiga ko‘ra, Traore 26 avgust kuni Ispaniyaga uchib boradi va "Deportivo" bilan shartnoma shartlarini kelishib, bitimni imzolashga harakat qiladi.
Futbolchining so‘nggi klubi Londonning "Vest Xem" jamoasi bo‘lgan. Traore shartnomasi yakunlangani sabab 1 iyul kuni klubni tark etgan.
Transfermarkt portali futbolchining bozor qiymatini 6 million yevro deb baholamoqda. Biroq "Deportivo" uni erkin agent maqomida tekinga o‘z safiga qo‘shib olishi mumkin.
Bo‘lajak shartnomaning boshqa tafsilotlari hozircha ma’lum emas. 2025/26 mavsumida Traore "Vest Xem" safida 12 ta o‘yin o‘tkazib, 2 ta golli uzatma amalga oshirgan.
