«Selta» PSV vingeri Kouxayb Driosh transferini rasman e’lon qildi.
24 yoshli futbolchi «Selta» bilan 2030 yil yozigacha shartnoma imzoladi. Transfermarkt ma’lumotiga ko‘ra, ispaniyalik klub marokashlik futbolchi uchun 7 million yevro to‘lagan.
O‘tgan mavsumda Driosh barcha turnirlarda 40 ta o‘yin o‘tkazib, 9 ta gol va 8 ta golli uzatma qayd etdi.
«Selta» yangi mavsum La Ligasining birinchi turida «Valensiya» bilan 1:1 hisobida durang o‘ynadi. Klaudio Xiraldes shogirdlari keyingi uchrashuvni 27 avgust kuni o‘z maydonida «Osasuna»ga qarshi o‘tkazadi.
