«Сельта» ПСВ вингери Коухайб Дриош трансферини расман эълон қилди.
24 ёшли футболчи «Сельта» билан 2030 йил ёзигача шартнома имзолади. Transfermarkt маълумотига кўра, испаниялик клуб марокашлик футболчи учун 7 миллион евро тўлаган.
Ўтган мавсумда Дриош барча турнирларда 40 та ўйин ўтказиб, 9 та гол ва 8 та голли узатма қайд этди.
«Сельта» янги мавсум Ла Лигасининг биринчи турида «Валенсия» билан 1:1 ҳисобида дуранг ўйнади. Клаудио Хиральдес шогирдлари кейинги учрашувни 27 август куни ўз майдонида «Осасуна»га қарши ўтказади.
