"Aston Villa"ning argentinalik darvozaboni Emiliano Martines faoliyatini Londonning "Chelsi" klubida davom ettirishi mumkin. Bu haqda The Athletic jurnalisti Devid Ornshteyn xabar berdi.
Manba ma’lumotiga ko‘ra, "Chelsi"ga Martinesni o‘z safiga qo‘shib olish imkoniyati taklif qilingan va klub bu variantga qiziqish bildirgan. Ayni paytda tomonlar ehtimoliy transfer bo‘yicha muzokara olib bormoqda.
Qayd etilishicha, "Aston Villa" Dzion Suzukini xarid qilganidan so‘ng Martinesni sotishga tayyor.
33 yoshli argentinalik darvozabon yangi mavsumda hali birorta ham o‘yinda maydonga tushmadi. Uning klub bilan amaldagi shartnomasi 2029 yilga qadar mo‘ljallangan.
Transfermarkt ma’lumotiga ko‘ra, Martinesning bozor qiymati 12 million yevroni tashkil etadi.
