«Fenerbaxche» yarim himoyachisi Matteo Genduzi Chempionlar ligasi saralash bosqichida «Lion»ga qarshi javob uchrashuvidan so‘ng yuzaga kelgan janjal markazida qoldi. Turkiya klubi bahsda 2:1 hisobida g‘alaba qozondi.

Uchrashuv Fransiyadagi «Grupama Stedium»da bo‘lib o‘tdi.

Avval «Marsel» safida to‘p tepgan 27 yoshli fransuz futbolchisi final hushtagidan keyin jamoasining g‘alabasini maydonda jo‘shqin tarzda nishonladi.

Xususan, Genduzi tribunalar tomon borib, «Olg‘a, «Marsel»!» deb baqirdi. Shuningdek, u «Lion» muxlislari qarshisida haqoratomuz ishora ham qildi.

Shundan so‘ng Genduzi tribuna ostidagi xonalarga yo‘l olayotgan paytda futbolchilar va ikki jamoa xodimlari ishtirokida janjal kelib chiqdi.

Qayd etilishicha, «Lion» muxlislari Genduzini o‘yin oldidan qizish mashqlari paytidayoq provokasiya qilgan. Futbolchi esa ularga o‘rta barmog‘ini ko‘rsatib javob qaytargan.