«Фенербахче» ярим ҳимоячиси Маттео Гендузи Чемпионлар лигаси саралаш босқичида «Лион»га қарши жавоб учрашувидан сўнг юзага келган жанжал марказида қолди. Туркия клуби баҳсда 2:1 ҳисобида ғалаба қозонди.

Учрашув Франциядаги «Групама Стэдиум»да бўлиб ўтди.

Аввал «Марсель» сафида тўп тепган 27 ёшли француз футболчиси финал ҳуштагидан кейин жамоасининг ғалабасини майдонда жўшқин тарзда нишонлади.

Хусусан, Гендузи трибуналар томон бориб, «Олға, «Марсель»!» деб бақирди. Шунингдек, у «Лион» мухлислари қаршисида ҳақоратомуз ишора ҳам қилди.

Шундан сўнг Гендузи трибуна остидаги хоналарга йўл олаётган пайтда футболчилар ва икки жамоа ходимлари иштирокида жанжал келиб чиқди.

Қайд этилишича, «Лион» мухлислари Гендузини ўйин олдидан қизиш машқлари пайтидаёқ провокация қилган. Футболчи эса уларга ўрта бармоғини кўрсатиб жавоб қайтарган.