"Fenerbaxche" bosh murabbiyi Ismail Kartal Chempionlar ligasi saralash bosqichi pley-offining javob uchrashuvida "Lion" ustidan qozonilgan 2:1 hisobidagi g‘alabani sharhladi.
"Bu g‘alaba orqali Chempionlar ligasida ishtirok etish huquqini qo‘lga kiritdik. Klubdagi barcha uchun juda xursandman.
Tanaffusda futbolchilar bilan suhbatlashdik va bir nechta o‘zgartish kiritdik. O‘yinimizni qayta qurishimiz, odatiy uslubimizga qaytishimiz va to‘pni raqib maydoniga yaqinroq hududda ushlashimiz kerak edi. Biz buni uddaladik va ikkinchi bo‘limning dastlabki 15-20 daqiqasida uchta yaqqol golli vaziyat yaratdik.
Biz futbolchilar bilan juda mustahkam aloqa o‘rnatganmiz. O‘yinchilar va murabbiylar shtabi o‘rtasida ajoyib muloqot va birdamlik bor. "Fenerbaxche"da yuqori saviyali futbolchilar to‘plangan. Ular g‘oyalarimizni yaxshi tushunishadi va birgalikda juda ijobiy muhit yaratdik", — dedi Kartal. Uning so‘zlarini UEFA rasmiy sayti keltirdi.
