"Фенербахче" бош мураббийи Исмаил Картал Чемпионлар лигаси саралаш босқичи плей-оффининг жавоб учрашувида "Лион" устидан қозонилган 2:1 ҳисобидаги ғалабани шарҳлади.
"Бу ғалаба орқали Чемпионлар лигасида иштирок этиш ҳуқуқини қўлга киритдик. Клубдаги барча учун жуда хурсандман.
Танаффусда футболчилар билан суҳбатлашдик ва бир нечта ўзгартиш киритдик. Ўйинимизни қайта қуришимиз, одатий услубимизга қайтишимиз ва тўпни рақиб майдонига яқинроқ ҳудудда ушлашимиз керак эди. Биз буни уддаладик ва иккинчи бўлимнинг дастлабки 15-20 дақиқасида учта яққол голли вазият яратдик.
Биз футболчилар билан жуда мустаҳкам алоқа ўрнатганмиз. Ўйинчилар ва мураббийлар штаби ўртасида ажойиб мулоқот ва бирдамлик бор. "Фенербахче"да юқори савияли футболчилар тўпланган. Улар ғояларимизни яхши тушунишади ва биргаликда жуда ижобий муҳит яратдик", — деди Картал. Унинг сўзларини UEFA расмий сайти келтирди.
