«Barselona» «Fenerbaxche» darvozaboni Dominik Livakovich transferini rasmiy ravishda e’lon qildi.
Kataloniya klubi va Xorvatiya terma jamoasining 31 yoshli futbolchisi 2030 yil 30 iyungacha shartnoma imzoladi.
Avvalroq «Barsa» Livakovichni 2+2 million yevro evaziga sotib olishi va uni bir mavsumga ijaraga berishi haqida xabarlar tarqalgan edi. Rejaga ko‘ra, kelasi yozdan, Voysex Shchensni klubdan ketganidan so‘ng, xorvatiyalik darvozabon «ko‘k-anorranglilar»ning zaxira darvozaboniga aylanadi.
Dominik o‘tgan mavsumning ikkinchi yarmida Zagrebning «Dinamo» klubida o‘ynadi. U Xorvatiya chempionatida 14 ta uchrashuvda ishtirok etib, 7 marta o‘z darvozasi daxlsizligini saqlab qoldi va 10 ta gol o‘tkazib yubordi.
