«Барселона» «Фенербахче» дарвозабони Доминик Ливакович трансферини расмий равишда эълон қилди.

Каталония клуби ва Хорватия терма жамоасининг 31 ёшли футболчиси 2030 йил 30 июнгача шартнома имзолади.

Аввалроқ «Барса» Ливаковични 2+2 миллион евро эвазига сотиб олиши ва уни бир мавсумга ижарага бериши ҳақида хабарлар тарқалган эди. Режага кўра, келаси ёздан, Войцех Шченсни клубдан кетганидан сўнг, хорватиялик дарвозабон «кўк-анорранглилар»нинг захира дарвозабонига айланади.

Доминик ўтган мавсумнинг иккинчи ярмида Загребнинг «Динамо» клубида ўйнади. У Хорватия чемпионатида 14 та учрашувда иштирок этиб, 7 марта ўз дарвозаси дахлсизлигини сақлаб қолди ва 10 та гол ўтказиб юборди.