«Tottenxem» hujumchisi Dominik Solanke London klubining yangi futbolchisi Savio haqida iliq fikr bildirdi.

Solanke Sky Sports bilan suhbatda Savio maydonga tushganidan so‘ng o‘zini juda yaxshi namoyon etganini aytdi. Angliyalik futbolchi «Tottenxem»ning yangi futbolchisini barcha katta qiziqish bilan kuzatganini ta’kidladi.

«U albatta muxlislarning sevimlisiga aylanadi. Yangi klubdagi debyut o‘yinida gol urish va assist qayd etish — ajoyib natija. U shu ruhda davom etishiga umid qilaman», — dedi Solanke.

Eslatib o‘tamiz, «Tottenxem» rahbariyati Savio uchun 99 million yevro to‘lagan. Bunga qadar braziliyalik futbolchi «Manchester Siti»da o‘ynagan.

Hujumchi Liga Kubogida «Charlton»ga qarshi o‘yinda zaxiradan maydonga tushib, «shporlar»ning 5:1 hisobidagi ishonchli g‘alabasiga hissa qo‘shdi.