«Milan» bosh murabbiyi Ruben Amorim klub tarkibni kuchaytirish borasida olib borayotgan ishlar haqida fikr bildirdi.
«Biz «Milan»ning barcha muammolarini bir transfer oynasida hal qila olmaymiz. Hozir amalga oshirayotgan barcha ishlarimiz uzoq muddatli istiqbolga mo‘ljallangan. Yosh futbolchilar bilan bog‘liq ayrim qiyinchiliklar bo‘lishi mumkin, ammo yoqimli syurprizlar ham chiqishi ehtimol. Biz to‘rt-besh yillik istiqbolni o‘ylab ishlayapmiz», — dedi Amorim jurnalistlarga.
Amorim joriy yilning iyun oyida «Milan» bosh murabbiyi etib tayinlangan. Italiya klubi shu yozda yangi futbolchilar transferi uchun qariyb 160 million yevro sarfladi.
28 avgust kuni «Milan» Italiya chempionatining 2-turi doirasida «Venesiya»ni qabul qiladi.
