«Milan» hujumchi Rafael Leau transferi bo‘yicha «Galatasaroy»ning taklifini qabul qildi.

Taniqli jurnalist Devid Ornshteyn ma’lumotlariga ko‘ra, Istanbul klubi portugaliyalik futbolchi uchun 45 million yevro to‘lashga tayyor. Endi qarorni Leauning o‘zi qabul qilishi kerak. «Galatasaroy» futbolchiga soliqlardan keyin yiliga 10–12 million yevro maosh taklif qilgan. Hujumchining o‘tish bo‘yicha roziligi hozircha mavjud emas.

Leauga «Aston Villa» ham da’vogarlik qilmoqda. Angliya klubi ijara va keyinchalik majburiy sotib olish variantini muhokama qilmoqda, ammo «Milan» futbolchini hozirning o‘zida sotishni afzal ko‘rmoqda.

Leau 2019 yildan buyon «Milan» sharafini himoya qilib kelmoqda. U Italiya klubiga «Lill»dan o‘tgan edi.