«Милан» ҳужумчи Рафаэл Леау трансфери бўйича «Галатасарой»нинг таклифини қабул қилди.

Таниқли журналист Дэвид Орнштейн маълумотларига кўра, Истанбул клуби португалиялик футболчи учун 45 миллион евро тўлашга тайёр. Энди қарорни Леаунинг ўзи қабул қилиши керак. «Галатасарой» футболчига солиқлардан кейин йилига 10–12 миллион евро маош таклиф қилган. Ҳужумчининг ўтиш бўйича розилиги ҳозирча мавжуд эмас.

Леауга «Астон Вилла» ҳам даъвогарлик қилмоқда. Англия клуби ижара ва кейинчалик мажбурий сотиб олиш вариантини муҳокама қилмоқда, аммо «Милан» футболчини ҳозирнинг ўзида сотишни афзал кўрмоқда.

Леау 2019 йилдан буён «Милан» шарафини ҳимоя қилиб келмоқда. У Италия клубига «Лилль»дан ўтган эди.