«Tottenxem»ning yangi futbolchisi Omar Marmush «Manchester Siti»dan London klubiga o‘tgani haqida o‘z fikrlarini bildirdi.
Bugun, 27 avgust kuni «shporlar» 27 yoshli misrlik futbolchini joriy mavsum oxiriga qadar ijaraga oldi. Bitimda uning transferini keyinchalik to‘liq sotib olish imkoniyati ham bor.
«Bu yerda ekanimdan juda ajoyib hislarni tuyyapman. Jamoa bilan ish boshlashdan juda xursandman va muxlislar bilan uchrashishni intizorlik bilan kutyapman.
«Tottenxem» Angliyadagi, balki butun dunyodagi eng yirik klublardan biri. Bu loyiha menga juda qiziq tuyuldi.
Bosh murabbiy bilan suhbatlashdim, u aytgan gaplar menga juda yoqdi. Ishonchim komilki, futbolga bo‘lgan ishtiyoqimiz juda yaxshi uyg‘unlashadi», — deya Marmush so‘zlarini klub matbuot xizmati keltirdi.
