«Barselona» bosh murabbiyi Xans-Diter Flik klubning ingliz vingeri Entoni Gordonning 2026/27 yilgi mavsum boshida La Ligadagi o‘yini haqida fikr bildirdi.
La Liganing 1-turida «Barselona» «Atletik» Bilbaoni 2:0 hisobida mag‘lub etdi. Rafinya 37-daqiqada hisobni ochgan bo‘lsa, 82-daqiqada Lopes yakuniy natijani o‘rnatdi.
«U bu yerda bor-yo‘g‘i ikki yarim hafta bo‘ldi. U yanada yuqori darajaga chiqish salohiyatiga ega», — deya Flikning so‘zlarini «Barselona»ning rasmiy sayti keltiradi.
«Barselona» Gordonning «Nyukasl»dan transferini 29 may kuni rasman e’lon qilgan. 25 yoshli vingerning shartnomasi 2031 yilgacha mo‘ljallangan.
Joriy mavsumda Entoni kataloniyaliklar safida La Ligada 2 ta o‘yin o‘tkazib, 2 ta golli uzatma amalga oshirgan.
«Barselona» 2026/27 yilgi La Ligada ikki turdan so‘ng 6 ochko bilan turnir jadvalida birinchi o‘rinda bormoqda.
