Superligada o‘tkazilgan 18–19-tur uchrashuvlaridagi hakamlik faoliyatiga bag‘ishlangan tahliliy yig‘ilish o‘tkazildi.

Zoom platformasi orqali tashkil etilgan tadbirda Superligada faoliyat yuritayotgan hakamlar va tajribali instruktorlar ishtirok etdi. Yig‘ilish davomida o‘tgan turlardagi muhim o‘yin epizodlari videolar orqali ko‘rib chiqilib, hakamlarning qabul qilgan qarorlari muhokama qilindi.

Tahlilga «Neftchi» — «So‘g‘diyona», «Qo‘qon-1912» — «Buxoro», «Dinamo» — «Paxtakor», «Lokomotiv» — «Bunyodkor», «Xorazm» — «Lokomotiv», «Paxtakor» — «Surxon», «OKMK» — «Dinamo» hamda «Navbahor» — «Nasaf» uchrashuvlari kiritildi.

Muhim vaziyatlar bo‘yicha mutaxassislar fikri bildirilib, hakamlarning qarorlari yuzasidan tegishli tushuntirishlar berildi.

Shuningdek, keyingi turlarda yuzaga kelishi mumkin bo‘lgan shunga o‘xshash holatlarda nimalarga e’tibor qaratish lozimligi bo‘yicha hakamlarga tavsiyalar berildi.