«Barselona» akademiyasi tarbiyalanuvchisi Toni Fernandes faoliyatini Italiyada davom ettirishi mumkin. Sport nashri ma’lumotiga ko‘ra, 18 yoshli futbolchini o‘z safiga qo‘shib olish uchun «Venesiya» ayni paytda asosiy da’vogar bo‘lib turibdi.

Manbaga ko‘ra, tomonlar to‘liq transfer ustida ishlamoqda. «Barselona» futbolchi uchun transfer puli olish bilan birga, uning kelajakdagi sotuvidan foiz, birinchi bo‘lib sotib olish huquqi va qaytarib sotib olish bandini ham saqlab qolishni rejalashtirmoqda.

Toni Fernandes Hansi Flikning joriy mavsum uchun asosiy jamoa rejalariga kirmagan. Shu bilan birga, uning «Barselona Atletik»ka qaytishi ham ko‘zda tutilmayapti. Yoz davomida futbolchiga Italiya, Angliya va Germaniya klublaridan qiziqish bo‘lgan, ammo hozircha «Venesiya»ning taklifi eng ilg‘or bosqichda.

18 yoshli hujumkor yarim himoyachi o‘tgan mavsumda «Barselona Atletik» safida 25 ta o‘yin o‘tkazib, 5 ta gol urgan va 3 ta golli uzatma amalga oshirgan. U asosan hujum ortida harakat qiladi, ammo qanotlarda ham o‘ynay oladi.

«Venesiya» esa 2025/26 yilgi mavsum yakunlariga ko‘ra A Seriyaga qaytgan. Shu bois Toni Fernandes uchun mazkur transfer Italiyaning yuqori divizionida muntazam o‘yin amaliyotiga ega bo‘lish imkoniyatini berishi mumkin.