«Paxtakor» O‘zbekiston Kubogi nimchorak finali doirasida Farg‘onada «Neftchi»ga qarshi maydonga tushadi.
Jamoalar O‘zbekiston Kubogi tarixida 15 marta o‘zaro to‘qnash kelgan. Ularning 12 tasida «Paxtakor» g‘alaba qozongan, 3 ta uchrashuvda esa «Neftchi» ustun kelgan.
Ikki klub Kubok finallarida ham 5 marta ro‘baro‘ kelgan bo‘lib, shularning 4 tasida «Paxtakor» zafar quchgan. Eng yodda qolarli bahslardan biri 2002 yilgi final bo‘lib, o‘shanda «sherlar» 6:3 hisobida g‘alaba qozongan.
«Neftchi» — «Paxtakor» uchrashuvi 29 avgust, shanba kuni Farg‘onadagi «Istiqlol» stadionida bo‘lib o‘tadi. Bahs soat 19:00 da boshlanadi.
