«Manchester Yunayted» hujumchisi Markus Reshfordga «Fenerbaxche» qiziqish bildirmoqda.

The Times ma’lumotiga ko‘ra, Chempionlar ligasining umumiy bosqichiga chiqqan Turkiya klubi angliyalik forvardni o‘z safiga qo‘shib olishni istamoqda. Reshford «Fenerbaxche»ning asosiy transfer maqsadlaridan biri hisoblanadi.

Biroq futbolchining o‘zi bunday transferga qiziqish bildirmayapti. Katta ehtimol bilan Reshford «Manchester Yunayted» tarkibida qoladi. U mashg‘ulotlardagi harakatlari bilan bosh murabbiy Maykl Karrikda yaxshi taassurot qoldirgan.

O‘tgan mavsumni angliyalik futbolchi «Barselona»da ijara asosida o‘tkazdi. Reshford La Ligada 32 ta uchrashuvda maydonga tushib, 8 ta gol urdi va 7 ta golli uzatmani amalga oshirdi.