"Manchester Yunayted" bosh murabbiyi Maykl Karrik Xarri Amass yaqin kunlarda klubni tark etishi mumkinligini istisno qilmadi.

"Transfer oynasining shu bosqichiga kelganda turli ssenariylar doimo bo‘ladi", — dedi Karrik.

"Biz jamoa kuchini saqlab qolgan holda har bir futbolchi uchun eng to‘g‘ri qarorni qabul qilishga harakat qilamiz.

Xarridan juda mamnunmiz. U o‘tgan mavsumni yaxshi o‘tkazdi, garchi jarohat sabab yakuni u qadar yaxshi bo‘lmagan bo‘lsa ham. Mavsumoldi tayyorgarligida ham u o‘zini juda yaxshi ko‘rsatdi", — dedi murabbiy.

So‘nggi xabarlarga ko‘ra, Amassning "Manchester Yunayted"ni to‘liq transfer asosida tark etishidan ko‘ra, yana ijaraga berilishi ehtimoli yuqoriroq.

Har qanday holatda ham, uning ketishi transfer oynasi yopilishiga sanoqli kunlar qolgan bir paytda "Yunayted"ning chap qanot himoyachisi pozisiyasida tanlov imkoniyatlarini kamaytiradi.