"Arsenal" "Real" hujumchisi Endrikni transfer qilish imkoniyati bo‘yicha muzokara o‘tkazdi.

London klubi "Real" bosh murabbiyi Joze Mourinyo 20 yoshli braziliyalik futbolchini qo‘yib yuborishni istamayotganiga qaramay, madridliklarga rasman murojaat qilgan.

Endrik o‘tgan mavsumni "Lion"da ijara asosida muvaffaqiyatli o‘tkazganidan so‘ng bir qator klublar e’tiborini tortdi. talkSPORT ma’lumotiga ko‘ra, "Arsenal"dan tashqari, hujumchiga "Liverpul", "Aston Villa" va "Roma" ham qiziqish bildirmoqda.

Mourinyo avvalroq Endrikni sotishni ham, yana ijaraga berishni ham istamasligini ta’kidlagan edi. Portugaliyalik mutaxassis yosh hujumchiga ishonch bildirmoqda va u bilan ishlashni rejalashtirgan.

Hozirda Endrik son orqa qismi mushaklaridan olgan jarohatidan tiklanmoqda.

O‘tgan mavsumda u "Lion" safida Liga 1 doirasida 16 ta uchrashuvda maydonga tushib, 5 ta gol urdi va 7 ta golli uzatmani amalga oshirdi.