"Арсенал" "Реал" ҳужумчиси Эндрикни трансфер қилиш имконияти бўйича музокара ўтказди.

Лондон клуби "Реал" бош мураббийи Жозе Моуриньо 20 ёшли бразилиялик футболчини қўйиб юборишни истамаётганига қарамай, мадридликларга расман мурожаат қилган.

Эндрик ўтган мавсумни "Лион"да ижара асосида муваффақиятли ўтказганидан сўнг бир қатор клублар эътиборини тортди. talkSPORT маълумотига кўра, "Арсенал"дан ташқари, ҳужумчига "Ливерпуль", "Астон Вилла" ва "Рома" ҳам қизиқиш билдирмоқда.

Моуриньо аввалроқ Эндрикни сотишни ҳам, яна ижарага беришни ҳам истамаслигини таъкидлаган эди. Португалиялик мутахассис ёш ҳужумчига ишонч билдирмоқда ва у билан ишлашни режалаштирган.

Ҳозирда Эндрик сон орқа қисми мушакларидан олган жароҳатидан тикланмоқда.

Ўтган мавсумда у "Лион" сафида Лига 1 доирасида 16 та учрашувда майдонга тушиб, 5 та гол урди ва 7 та голли узатмани амалга оширди.