«Milan» vingeri Rafael Leau «Galatasaroy»ga kutilayotgan 43+2 million yevrolik transfer oldidan Italiya klubi bilan xayrlashdi.

«Ha, hozir men uchun og‘ir lahza. Yetti yil birga bo‘lgan jamoadoshlarim bilan xayrlashdim. Ular mening o‘sishimga va «Milan» sharafini himoya qilish nimani anglatishini tushunishimga yordam berishdi. Ammo endi xayrlashish vaqti keldi.

Men boshqacha xayrlashishni istardim. Balki so‘nggi bor «San-Siro»ga chiqib, o‘sha yerda, maydonning o‘zida muxlislar bilan xayrlashardim. Bu klub tarixida qolishimga ishonaman, chunki bu yerda nimalar qilganimni yaxshi bilaman.

Hayot shunday: biz o‘rganamiz, xayrlashamiz. Ammo, menimcha, «Milan»ga bo‘lgan muhabbatim hech qachon so‘nmaydi. Uzoqda bo‘lsam ham, doimo jamoani kuzatib boraman. Chempion bo‘lgan mavsumimiz haqidagi xotiralarni o‘zim bilan olib ketaman. Bu lahzalarni umrimning oxirigacha eslab qolaman.

Ba’zan qaror qabul qilish kerak bo‘lgan payt keladi. «Milan» har doim «Milan» bo‘lib qoladi. Jamoa ham, murabbiy ham juda yuqori darajada.

Amorim juda yaxshi va qat’iyatli murabbiy. U «Milan»ga yana g‘alaba qozona boshlashda yordam bera oladi. U qo‘yayotgan futbol menga yoqadi.

«Milan»ga faqat eng yaxshi tilaklarni tilayman. Doimo yonimda bo‘lgan muxlislarga rahmat aytaman. «Milan» g‘alaba qozonishda davom etadi», — dedi Leau.