«Milan» yarim himoyachisi Aleksis Salemakers «Venesiya»ga qarshi uchrashuvda ikki golli uzatmani amalga oshirib, jamoasining 2:0 hisobidagi g‘alabasiga katta hissa qo‘shdi.
Belgiyalik futbolchi o‘yindan keyin jamoadagi yangi roli haqida fikr bildirdi.
«Mavsum boshida murabbiy meni hujumchi ortida harakat qiladigan futbolchi sifatida ko‘proq ma’qul ko‘rishini aytdi. Chunki men tor hududlarda yaxshi o‘ynay olaman.
Menimcha, u mavsum davomida meni aynan shu pozisiyada ishlatishni rejalashtirmoqda. Keyin esa vaziyatga qarab, qayerda o‘ynashimni ko‘ramiz», — dedi Salemakers.
A Seriyaning keyingi turida «Milan» Turinning «Yuventus» klubiga qarshi maydonga tushadi.
