«Bavariya» bosh murabbiyi Vensan Kompani jamoasidan joriy mavsumda nimalar kutayotganini aytib o‘tdi.

Myunxenliklar Bundesligadagi yangi mavsumni o‘z maydonida «Shtutgart» ustidan 5:1 hisobidagi yirik g‘alaba bilan boshladi.

«Biz shunchaki so‘nggi bir necha yilda qilgan ishlarimizni davom ettirmoqchimiz. Bugun jamoa o‘yinida xohish va energiyani ko‘rish mumkin edi.

Hammasi yana noldan boshlanadi. Umid qilamanki, barcha futbolchilarimiz buni tushunadi. Mening vazifam esa ularga shuni doimo anglatib turish.

Tarkibimiz yaxshi, tajriba va yoshlik o‘rtasida ideal muvozanat bor. Yangi futbolchilar ham bizga katta yordam beradi. Mavsumning hal qiluvchi bosqichiga barcha o‘yinchilar safda bo‘lgan holda yetib borish juda muhim. O‘tgan safar buning uddasidan chiqqan edik», — dedi Kompani Sky Sport'ga.

Eslatib o‘tamiz, «Bavariya» o‘tgan mavsumda Germaniya chempionati va mamlakat kubogini qo‘lga kiritib, «oltin dubl» qayd etgan edi.