«Бавария» бош мураббийи Венсан Компани жамоасидан жорий мавсумда нималар кутаётганини айтиб ўтди.

Мюнхенликлар Бундеслигадаги янги мавсумни ўз майдонида «Штутгарт» устидан 5:1 ҳисобидаги йирик ғалаба билан бошлади.

«Биз шунчаки сўнгги бир неча йилда қилган ишларимизни давом эттирмоқчимиз. Бугун жамоа ўйинида хоҳиш ва энергияни кўриш мумкин эди.

Ҳаммаси яна нолдан бошланади. Умид қиламанки, барча футболчиларимиз буни тушунади. Менинг вазифам эса уларга шуни доимо англатиб туриш.

Таркибимиз яхши, тажриба ва ёшлик ўртасида идеал мувозанат бор. Янги футболчилар ҳам бизга катта ёрдам беради. Мавсумнинг ҳал қилувчи босқичига барча ўйинчилар сафда бўлган ҳолда етиб бориш жуда муҳим. Ўтган сафар бунинг уддасидан чиққан эдик», — деди Компани Sky Sport'га.

Эслатиб ўтамиз, «Бавария» ўтган мавсумда Германия чемпионати ва мамлакат кубогини қўлга киритиб, «олтин дубль» қайд этган эди.