«Napoli» va Belgiya terma jamoasi yarim himoyachisi Kevin De Bryoyne Chempionlar ligasi umumiy bosqichida sobiq jamoasi «Manchester Siti»ga qarshi bo‘lib o‘tadigan uchrashuv haqida fikr bildirdi.
«Men «Manchester Siti»ga qarshi o‘ynashni yoqtirmayman. Bu klub har doim mening jamoam bo‘lib qoladi va bu tabiiy, chunki men u yerda 10 yil o‘tkazdim. Biz birgalikda bosib o‘tgan yo‘l, o‘sish va qo‘lga kiritgan g‘alabalar hech qayerga yo‘qolmaydi. Ularga qarshi raqib sifatida maydonga tushish menga yoqmaydi», — deya De Bryoynening so‘zlarini keltiradi Corriere dello Sport.
De Bryoyne «Manchester Siti» sharafini 2015 yildan 2025 yilga qadar himoya qilgan. U Angliya klubi safida barcha musobaqalarda 422 ta uchrashuvda maydonga tushib, 108 ta gol urgan va 177 ta golli uzatmani amalga oshirgan.
