«Наполи» ва Бельгия терма жамоаси ярим ҳимоячиси Кевин Де Брёйне Чемпионлар лигаси умумий босқичида собиқ жамоаси «Манчестер Сити»га қарши бўлиб ўтадиган учрашув ҳақида фикр билдирди.
«Мен «Манчестер Сити»га қарши ўйнашни ёқтирмайман. Бу клуб ҳар доим менинг жамоам бўлиб қолади ва бу табиий, чунки мен у ерда 10 йил ўтказдим. Биз биргаликда босиб ўтган йўл, ўсиш ва қўлга киритган ғалабалар ҳеч қаерга йўқолмайди. Уларга қарши рақиб сифатида майдонга тушиш менга ёқмайди», — дея Де Брёйненинг сўзларини келтиради Corriere dello Sport.
Де Брёйне «Манчестер Сити» шарафини 2015 йилдан 2025 йилга қадар ҳимоя қилган. У Англия клуби сафида барча мусобақаларда 422 та учрашувда майдонга тушиб, 108 та гол урган ва 177 та голли узатмани амалга оширган.
