«Real Madrid» bosh murabbiyi Joze Mourinyo Endrik va Orelyen Tchuameni jarohatlaridan hali to‘liq tiklanmagani va ertaga La Liga doirasida «Malaga»ga qarshi o‘yinni o‘tkazib yuborishini tasdiqladi.
«Endrik qaytishga juda yaqin, eng yaqini ham aynan u. Balki «Betis»ga qarshi o‘yinga tayyor bo‘lar, ammo bunga kafolat berib, tavakkal qilmoqchi emasman. Tchuameni borasida esa uning hissiyotlari va maydonga qaytish istagini nazorat qilishimiz kerak. Uning jamoaga kirib-chiqib yurishini xohlamayman. Kutishni afzal ko‘raman», — dedi portugaliyalik mutaxassis.
Tchuameni bir muddatdan buyon son qismidan olgan jarohati bilan kurashmoqda. Endrik esa mushakdagi muammodan tiklanish jarayonini davom ettiryapti.
Har ikki futbolchi «Espanyol» va «Real Sosyedad»ga qarshi g‘alabali uchrashuvlarni o‘tkazib yuborgan edi.
